سوئال

«مەن بىر يېتىم بالا بولۇپ، قەلبىم ئۈمىدسىزلىك بىلەن تولغان. بەزى چاغلاردا ئۆزۈمنى ئۆلتۈرىۋالغۇم كېلىدۇ.»

يېتىم-يېسىر ھەققىدە

تەۋرات، «مىسىردىن چىقىش» 22-باب

22تۇل خوتۇن، يېتىم بالىلارنى خورلىما. 23ئەگەر سەن ئۇلارنى خورلىساڭ، ئۇلار ماڭا نالە قىلىپ ياردەم تىلىسە، مەن ئۇلارنىڭ ئاۋازىنى ئاڭلاپ،

[داۋامى]

زەبۇر، 10-مۇناجات

17ئى پەرۋەردىگار، قۇلاق سالىسەن ئېزىلگەنلەرنىڭ ئىستەكلىرىگە،

قۇۋۋەت بېرىسەن ئۇلارنىڭ يۈرەكلىرىگە.

كۆڭۈل بۆلۈپ تۇرىسەن دۇئا-تىلاۋەتلىرىگە.

18قوغدايسەن يېتىم-يېسىر، ئېزىلگەنلەرنىڭ ھەققىنى،

پانىي ئالەمدە ھېچكىم قورقۇتالماس ئۇلارنى.

[داۋامى]

زەبۇر، 146-مۇناجات

7يەتكۈزەر ئېزىلگەنلەرنى ئادىللىققا،

رىزىق بىرەر ئاچ قالغانلارغا،

ھۆرلۈك ئاتا قىلار مەھبۇسلارغا.

8ئاچار پەرۋەردىگار قارىغۇلارنىڭ كۆزىنى،

رۇسلار ئېگىلگەنلەرنىڭ قەددىنى.

سۆيەر توغرا يولدا ماڭغانلارنى.

9قوغدار پەرۋەردىگار مۇساپىرلارنى،

قوللار تۇل خوتۇن، يېتىم-يېسىرلارنى.

لېكىن توسار پاسىقلارنىڭ يولىنى.

[داۋامى]

ئۈمىدسىزلىنىش ھەققىدە

زەبۇر، 42-مۇناجات

11ئەي قەلبىم، نېمىشقا شۇنچە چۈشكۈنسەن؟!

ئەي كۆڭلۈم، نېمىشقا ئارام تاپمايسەن؟!

ئۈمىد كۈت خۇدادىن، مەدھىيەلەيمەن يەنىلا ئۇنى،

خۇدايىم ساقلىغۇچىدۇر شەرمەندە بولۇشتىن يۈزۈمنى.

[داۋامى]

زەبۇر، 118-مۇناجات

14پەرۋەردىگار مۇناجىتىم ۋە كۈچ-قۇدرىتىم،

بولدى ئۇ مېنىڭ نىجاتكارىم.

15ھەققانىيلارنىڭ چېدىرلىرىدا نىجاتلىق تەنتەنىسى ياڭرىماقتا،

پەرۋەردىگارنىڭ كۈچلۈك ئوڭ قولى زەپەر قۇچماقتا.

16پەرۋەردىگارنىڭ كۈچلۈك ئوڭ قولى غەلىبە قىلماقتا،

پەرۋەردىگارنىڭ كۈچلۈك ئوڭ قولى زەپەر قۇچماقتا.

17مەن ئۆلمەيمەن، بەلكى ياشايمەن،

پەرۋەردىگارنىڭ مۆجىزىلىرىنى بايان ئەيلەيمەن.

18مېنى قاتتىق جازالىغان بولسىمۇ پەرۋەردىگار،

ئەمما تاشلاپ قويمىدى ئۆلۈمگە زىنھار.

19ھەققانىيلار كىرىدىغان دەرۋازىنى ئېچىپ بېرىڭلار ماڭا،

مەن كىرىپ، شۈكۈر ئېيتىمەن پەرۋەردىگارغا.

20دەرۋازىسىدۇر بۇ پەرۋەردىگارنىڭ،

كىرىش يولىدۇر ھەققانىيلارنىڭ.

21ساڭا شۈكۈر ئېيتىمەن خۇدا،

چۈنكى ماڭا جاۋاب بېرىپ

نىجاتكار بولدۇڭ ماڭا.

22كېرەكسىز بىلىنگەن تاش تامچىلارغا،

ئۇلتاش بولدى قۇرۇلۇشقا.

23پەرۋەردىگارنىڭ قىلغان ئىشىدۇر بۇ،

كۆز ئالدىمىزدا كارامەت بولدى ئۇ.

24پەرۋەردىگار ياراتقان مۇشۇ كۈندە،

خۇشاللىققا تولايلى قىلىپ تەنتەنە.

[داۋامى]

ئىنجىل، «پېترۇس يازغان بىرىنچى خەت» 5-باب

6ئۆزۈڭلارنى خۇدانىڭ قۇدرەتلىك قولى ئاستىدا تۆۋەن تۇتۇڭلار. شۇنداق قىلساڭلار، ۋاقتى كەلگەندە خۇدا سىلەرنى ئۈستۈن قىلىدۇ.7بارلىق غەم-قايغۇلىرىڭلارنى خۇداغا تاپشۇرۇڭلار. چۈنكى، ئۇ سىلەرگە غەمخورلۇق قىلىدۇ.

[داۋامى]

ئىنجىل، «مەتتا بايان قىلغان خۇش خەۋەر» 11-باب

28ئەي جاپاكەشلەر ۋە ئېغىر يۈكنى ئۈستىگە ئالغانلار! مېنىڭ يېنىمغا كېلىڭلار، مەن سىلەرگە ئاراملىق بېرەي.29مۇلايىم ۋە كەمتەرمەن. شۇڭا، مېنىڭ بويۇنتۇرۇقۇمغا كىرىپ، مەندىن ئۆگىنىڭلار. شۇنداق قىلغاندا، كۆڭلۈڭلار ئارام تاپىدۇ.30مېنىڭ بويۇنتۇرۇقۇمدا بولۇش ئاسان، تەلىپىم ئېغىر ئەمەس.

[داۋامى]

زەبۇر، 139-مۇناجات

1ئى پەرۋەردىگار، كۆردۈڭ قەلبىمنى،

بىلدىڭ مېنى.

2بىلىسەن ئولتۇرۇپ-قوپۇشۇمنى،

چۈشىنىسەن يىراقتىنمۇ ئويلىرىمنى.

3كۆرۈپ تۇرىسەن يۈرۈش-تۇرۇشۇمنى،

ئېنىق ئۇقىسەن بارلىق ئىشلىرىمنى.

4ئى پەرۋەردىگار، بىلىسەن سۆزلىرىمنى،

ھەتتا ئېغىزىمدىن چىقارماستا ئۇلارنى.

5باردۇرسەن ئەتراپىمدا،

قويدۇڭ قولۇڭنى دولامغا.

6قۇدرىتىڭ ئەقلىمنى لال قىلار شۇنچە،

ئەقلىم يەتمەس بۇ سىرلارنى بىلىشكە.

7نەگىمۇ بارالايمەن مۆكۈپ يۈرۈپ روھىڭدىن،

نەگىمۇ كېتەلەيمەن قېچىپ چىقىپ قوينىڭدىن.

8ئاسمانغا چىقساممۇ بارسەن ئۇ يەردە،

لەھەتكە كىرسەممۇ بارسەن ئۇ يەردە.

9پەرۋاز قىلىپ قانىتىدا سەھەرنىڭ،

تۇتسام ماكان ئەڭ چېتىدە دېڭىزنىڭ.

10ئۇ يەردىمۇ يېتەكلەر قولۇڭ،

يۆلەر مېنى ئوڭ قولۇڭ.

11مۆكۈنۈۋالاي دەپ ئويلىساممۇ قاراڭغۇلۇققا،

ئەتراپىمدىكى يورۇقلۇق گەر تۈنگە ئايلانسا،

12تۈن زۇلمىتى قاراڭغۇ كۆرۈنمەس ساڭا،

كېچە گويا كۈندۈزدەك يورۇپ تۇرار،

قاراڭغۇلۇق يوقتۇر سەن ئۈچۈن ئەسلا.

13شۇنداق، سەن ياراتتىڭ ئىچكى ئەزالىرىمنى،

ئاپىرىدە قىلدىڭ ئانامنىڭ قورسىقىدا مېنى.

14شۈكۈر-رەھمەت ئېيتىمەن ساڭا،

چۈنكى قالتىس، ئالامەت ياراتتىڭ مېنى.

شۇنچە كارامەت ئىجادىيەتلىرىڭ،

ياخشى بىلىمەن قەلبىمدە بۇنى.

15مېنى پىنھان ياراتقىنىڭدا،

پۈتۈلگەندە ئانامنىڭ قورسىقىغا،

ساڭا يوچۇن ئەمەستى تېنىم ئەسلا.

16كۆرگەنىدىڭ ھامىلە چېغىمدا مېنى،

كەلمەي تۇرۇپ ھاياتىمنىڭ تۇنجى كۈنى،

تەقدىرىم دەپتىرىڭگە يېزىلغانىدى.

17شۇنچە قەدىرلىكتۇر مەن ھەققىدىكى ئويلىرىڭ، ئى خۇدا،

ئۇلارنىڭ ھېچبىر سانى يوقتۇر ئەسلا.

[داۋامى]

زەبۇر، 40-مۇناجات

1سەۋر-تاقەت قىلىپ كۈتتۈم پەرۋەردىگارنى،

قۇلاق سېلىپ ئاڭلىدى ئۇ پەريادىمنى.

2تارتىۋالدى ئۇ مېنى ھالاكەت گىردابىدىن،

چىقىرىۋالدى چوڭقۇر پاتقاق-سازلىقتىن.

قورام تاش ئۈستىگە تۇرغۇزۇپ پۇتلىرىمنى،

مۇستەھكەم قىلدى مېنىڭ قەدەملىرىمنى.

3پەرۋەردىگار ئاتا قىلدى ماڭا يېڭى بىر كۈينى،

ئىگىمىزنى مەدھىيەلەيدىغان مۇناجاتنى.

نۇرغۇن ئادەم كۆرۈپ ئۇنىڭ قۇدرىتىنى،

پەرۋەردىگارغا ئىشەنچ باغلاپ ھۆرمەتلەر ئۇنى.

4بەختلىكتۇر ئىشەنچ باغلىغانلار پەرۋەردىگارغا،

چوقۇنمىغانلار ساختا ئىلاھلارغا،

يۈرمىگەنلەر بۇتپەرەسلەر ئارىسىدا.

[داۋامى]

زەبۇر، 143-مۇناجات

4شۇڭا روھىم سىقىلىپ بۇرۇقتۇم بولدى،

ئۈمىدلىرىم ئۈزۈلۈپ كۆڭلۈممۇ قايغۇغا تولدى.

5ئەسلەيمەن بۇرۇن ئۆتكەن كۈنلىرىمنى،

سېغىنىمەن كۆرسەتكەن مۆجىزىلىرىڭنى،

ياد ئېتىمەن سېنىڭ قىلغان ئەجىرلىرىڭنى.

6قوللىرىم ساڭا قاراپ سوزۇلغاندۇر،

ۋۇجۇدۇم چاڭقىغان زېمىندەك ساڭا تەشنادۇر.

7ماڭا تېزدىن جاۋابىڭنى بەرگىنە پەرۋەردىگار،

بولمىسا ئۈمىدلىرىم بەربات بولۇپ ھالىم كېتەر،

ئۆتۈنەي، دىدارىڭنى يوشۇرمىغىن مەندىن زىنھار.

بولمىسا تېنىم مېنىڭ گۆردە بولار.

8مەڭگۈلۈك مۇھەببىتىڭنى ئاڭلىغۇم بار تاڭ سەھەردە،

چۈنكى مەن پەقەت ساڭا تايانغانمەن.

مېڭىشىم زۆرۈر بولغان يولنى ئۆزۈڭ بىلدۈر ماڭا،

چۈنكى مەن ۋۇجۇدۇمدىن پەقەت ساڭا تەلمۈرگەنمەن.

9قۇتۇلدۇر مېنى پەرۋەردىگار دۈشمەنلىرىمنىڭ ئىلكىدىن،

باشپاناھ ئىزدەپ كەلدىم يېنىڭغا، ئورۇن بەرگىن قوينىڭدىن.

10ئۆگەت ماڭا ئىرادەڭگە ئەمەل قىلىپ ياشاشنى،

چۈنكى سەن مېنىڭ خۇدايىمدۇرسەن،

ئاداشماي، يېتەكلىسۇن ئالىيجاناب روھىڭ مېنى.

11پەرۋەردىگار شۆھرىتىڭ ئۈچۈن بولسىمۇ قۇتقۇز مېنى،

ھەققانىيسەن ئى ئىگەم، پالاكەتتىن ئازاد قىلغىن جېنىمنى.

[داۋامى]

زەبۇر، 6-مۇناجات

2ئى پەرۋەردىگار، رەھىم قىل ماڭا،

زەئىپلىشىپ كەتتىم قەۋەتلا.

ئى پەرۋەردىگار، شىپالىق بەرگىن ماڭا،

بوشىشىپ كەتتى ئۇستىخانلىرىم بىراقلا.

3ئى پەرۋەردىگار، ھەسرەت تولدى قەلبىمگە،

يۈرەرمەن بۇ ئەھۋالدا قاچانغىچە؟

4ئۆتۈنەي پەرۋەردىگار، ساقلاپ قالغىن جېنىمنى،

مەڭگۈلۈك مۇھەببىتىڭدە قۇتقۇز مېنى.

5چۈنكى ھېچكىم سېنى ئەسلىمەس ئۆلسە،

كىم ساڭا رەھمەت ئېيتار گۆر ئىچىدە.

[داۋامى]

ئەپ دېتالى

hayatnuri-yanfon

پەيغەمبەرلەر

پەيغەمبەرلەر

كۈندە بىر سوئال

كۈندە بىر سوئال

تاللانمىلار

تاللانمىلار

ھېسىياتلىرىمىز

ھېسسىياتلىرىمىز

خۇدانىڭ سۈپەتلىرى

خۇدانىڭ گۈزەل سۈپەتلىرى

پۇل ۋە بايلىق

پۇل ۋە بايلىق

ئاياللارنىڭ قىسسىلىرى

مۇقەددەس كىتابتىكى ئاياللارنىڭ قىسسىلىرى

تېمىلار

تېمىلار

ئالبۇم

ئالبۇم

سوئالىڭىز بولسا...

سوئالىڭىز بولسا...

يېڭى مەزمۇن

yengi mezmun

كىشىلىك مۇناسىۋەت

كىشىلىك مۇناسىۋەت

ئەيسا ئەلەيھىسسالام

ئەيسا ئەلەيھىسسالام

تەمسىللەر

ئەيسا ئەلەيھىسسالامنىڭ تەمسىللىرى

كۈندىلىك تۇرمۇش

كۈندىلىك تۇرمۇش

مۆجىزىلەر

پەيغەمبەرلەرنىڭ ھاياتىدىكى مۆجىزىلەر